Rydym wrth ein bodd am fod Llanw wedi ennill gwobr Ymgyrch y Flwyddyn yng Ngwobrau Tai Cymru 2024!
Mae’r wobr hon yn cydnabod ymgyrchoedd sy’n cael effaith go iawn, ac mae’n tynnu sylw at y gwaith tîm rhwng ein cydweithwyr, ein partneriaid, a chi – ein cwsmeriaid- wrth lunio’r brand Llanw.
Ers ei greu, cafodd Llanw ei gynllunio nid yn unig i ddarparu gwasanaethau atgyweirio a chynnal a chadw, ond i drawsnewid sut rydym yn cefnogi dros 6,000 o gartrefi ar draws Pen-y-bont ar Ogwr.
Mae’r enw Llanw yn cyfleu ei ymatebolrwydd a’i allu i addasu i anghenion newidiol cwsmeriaid. O weithdai darganfod i gwsmeriaid i sesiynau taflu syniadau i gydweithwyr, cafodd pob cam o ddatblygiad Llanw ei lywio gan y rhai y mae’n eu gwasanaethu.
Chwaraeodd ein partneriaethau cryf ran ganolog yn nhaith Llanw hefyd. Trwy weithio’n agos â Cardo Group, Alliance Homes a Bright Collie, adeiladodd Llanw sylfaen gref a phroffesiynol.
Y tuhwnti’rbrand
Ers ei lansio ym mis Ebrill 2024, mae Llanw wedi cael effaith sylweddol:
Gellir teimlo presenoldeb Llanw ar draws Pen-y-bont ar Ogwr, o’r faniau wedi’u hailfrandio a’r swyddfeydd wedi’u hadnewyddu i ddigwyddiadau cymunedol, sioeau teithiol, ac ymgyrchoedd recriwtio.
Wrth i ni ddathlu’r fuddugoliaeth hon, rydym hefyd yn canolbwyntio ar y mater pwysicaf: darparu gwasanaethau gwych i chi – ein cwsmeriaid. Mae llwyddiant Llanw yn dangos yr hyn y gallwn ei gyflawni pan fyddwn yn gweithio gyda’n gilydd, yn gwrando ar ein cymunedau, ac yn anelu at ragoriaeth.
Ein fforddni o ddweuddiolch
I ddiolch i’r 1,719 o gwsmeriaid sydd wedi ymgysylltu â Llanw ers ei lansiad, bydd unrhyw un sydd wedi rhoi adborth i ni trwy’r arolwg boddhad cwsmeriaid yn dilyn atgyweiriad yn cael eu cynnwys mewn raffl i ennill taleb o’u dewis gwerth £100 – mewn pryd ar gyfer y Nadolig!
